• Moment

潛水錶頂峰之作 ! 三大德國精髓同時呈現 !

一直想介紹這個系列好耐。因為在潛水錶世界中,大部份都是源自於瑞士品牌的錶款,同時間因為潛水錶是屬於日常生活常戴的錶,固此大部份品牌都只會用旗下入門機芯去製作,用來降低成本。



要數真正用上品牌有級數機芯去製作的少之又少,最大可能是不想零售價太貴,但過去十多年,潛水錶已經成為每一個品牌最為好賣的款式,所有10萬樓下潛水錶基本上均非常好賣。要數10萬樓下,個人認為最靚之一,就必數德國兩大巨頭之一 Glashutte Original - SeaQ Panorama Date !



德國鐘錶工藝最引以為傲有3種製作手法: 1) 大日曆顯示、2) 四分三夾板、3) 鵝頸微調系統。]


大家睇睇圖片,今次我們介紹這隻潛水錶,是同時間擁有這3種德國標誌性工藝 !!



Glashutte Original 以品牌歷史上第一隻於1969年誕生的潛水錶 – “Spezialist Type RP TS 200” 作原形背景重新打造SeaQ Panorama Date 。


首先我們睇睇外殼,50年代至70年代期間的潛水錶大概就是這一類外形,弧形鏡面、纖薄外殼同時具備300米防水,直徑43.2mm, 仲要有100小時動力儲備 ! 樸實而帶懷舊感。



SeaQ Panorama Date 與原形最大分別就是用上 “ 大日曆 ” 。 德國工藝中最引以為傲的工藝之一,無縫式大日曆,相比起瑞士品牌大日曆做法,細膩呈度完全拋離 !


再睇睇錶底,就是全隻手錶最靚的部分 ! 打磨精細 、加上 “ 鵝頸微調系統 ”,為了將擺陀功效發揮到最大化,擺陀邊用上21k金製作,更見貴氣 !!



德國錶就是如此: 低調而奢侈內歛 ! 又一次將德國鐘錶精神完美展現 !!


總括所有製作細節,在潛水錶世界中,SeaQ Panorama Date 已經是頂峰一樣般存在。


此系列有藍面、黑面鋼帶 / 尼龍帶錶款可以選擇,但個人來說鋼帶款必屬首選 , 所以只提供鋼帶款圖片,如果各位對尼龍錶款有興趣,同樣可以為大家訂購 !!

6 次查看0 則留言