BELL & ROSS – 2021年新款第二擊 !! 可樂圈GMT !

驚喜一浪接一浪 !! 繼兩星期前BELL & ROSS發佈完最新紅色青銅系列後，前天又再宣佈推出全新BR03-93 – GMT兩地時間 “ 可樂圈 ” !!

趁復活節檔期，馬上為大家介紹一下。

以過往經驗，“ 可樂圈 ” 雙色錶圈設計就算放在不同品牌都屬於極搶手一族。加上今次是我記憶中BELL & ROSS第一次於BR03方型系列運用雙色錶圈設計 ! 如果有朋友仔睇慣圓型錶殼雙色圈，想入手方型殼的話，今次就是機會喇 !!

這個款在我看來，屬於潛水錶 + Pilot 兩者的混合體。首先將BR03-92 – Diver的外圈改做紅黑色24小時顯示，錶面就以條字刻度 + 阿拉伯數目字兩種方式同時製作，細心望上去，數目字更用上直砂打磨，好細心。

錶盤以黑色作主調，GMT兩地時間針就比舊有錶款加大了少許，而且運用了紅色，令到用家睇時間一目了然。整體來說夠型格之餘，睇時間清晰、舒服。

上方短帶那邊皮帶用上印有品牌LOGO，除原裝牛皮錶帶外，更隨錶附送多一條尼龍帶，方便大家替換 !!

直徑同為42mm，防水100米，正常情況下，上天下海已經絕對夠用了。